• Breaking News

    Zuckerberg-a’n sorkar ngen

    Mark Zuckerberg chuan internet-a thil \ha lo leng vel tibo turin regulator hrang hrangte leh sorkar chuan theihtawp chhuahpui turin a ngen.

    Washington Post-a lehkhathawn a ziahah Facebook hotupa Zucker-berg chuan Facebook tan ringawt chuan internet-a content zawng zawng lo thlit fim a, thil \ha lo paih chhuah vek chu a turu lutuk a, an zo lo niin a sawi a. “Hlauhawm te, inthlan kaih hnawih te, mimal dikna humhalh te leh data inhlan chhawn te chu dan thar hmanga venhimna leh khapna duan a ngai a ni,’ a ti a ni.

    Kar hnih liamta khan New Zealand-a Christ-church-ah mi pakhat chuan silai hmangin mosque a bei a, hei hi Facebook-ah a livestream hmiah a nih kha.  Khami avang khan mi tam tak chuan Facebook an dem a. Mahse, miin a hman dan chu an control vek seng lo tih sawiin, “Miin an hman dan kan thunun vek thei lo va, chutih rual chuan  an thu post-te a rang thei ang bera paih tur erawh chuan kan inring reng a ni,” a ti a. Hemi atan hian dan thar an zam tih a sawi.

    Facebook chauh ni lo, social media site dangte pawhin an zawm tur dan inang siam a, thil \ha lo theh darh a nih loh nana \an rual a ngaih thu uar takin a sawi a. An sum dinhmun an puan chhuah rualin thla thum danah tech company liante chuan an hma lakna  puangzar \hin se, politics lamah pawh eng angin nge ruahmanna an siam tihte pawh khawvelin a hriat a ngai a, khawvel puma hma lak a ngai tih a sawi bawk.

    No comments

    Post Top Ad

    Post Bottom Ad