• Breaking News

    Zu Dawr hawn phalna nei an la awm lo

    Gauhati High Court, Aizawl Bench-in May 27, 2019 thleng an zu kawl laite tihral nan Zu zuarte zu zawrh chhunzawm leh a phalsak ni mahse, an dawr hawn phalna (license) an neih loh avangin dawr hawng chhunzawm an a awm lo.

    Mizoram Excise and Narcotics Department, Kolasib hnen a\anga kan palaiin thu a dawn danin Zu dawr hawn phalna, license chu kum khat atan zel a nih avangin Mizoram pumah zu zawrh phalna nei an la awm rih lova. High Court chuan zu zawrh chhunzawm phalsak mahse dan anga zu zuar thei an awm loh avangin zu dawr hawn theih a la ni lo a ni.

    Thu dawn danin Kolasib Dist. chhunga Wine Shop te chuan tun dinhmunah Zu kawllai (stock) an nei lova. March thla chhung khan an zu kawllai zawng zawng an hralh zo vek a ni. Gauhati High Court chuan Zu zuarte zu zawrh chhunzawm phalsak mahse Liquor Card neilo tan zu lei theih a ni chuang lova, Liquor Card pawh hi kum khat dam (valid) a nih angin, March 2019 khan Mizoram chhunga Liquor Card te chu a valid tawh loh avangin zu dawr hawn nimahse tuman an lei thei dawn chuang lo niin END Kolasib chuan kan palai an hrilh a. Tunah hian Mizoram END hotute chuan Wine Shop leh Liquor Card renew dan tur ruahmanna an siam mek nia thu dawn a ni bawk.

    Mizoram END  Kolasib chhinchhiah danin nikum 2018 chhung khan Kolasib District chhunga Wine Shop a\anga Zu chhiah Rs. 356,52,995 an hmuh bakah fines leh thildang a\anga Rs. 3,92,236 chu sawrkar sum bawmah an chhunglut a ni.

    No comments

    Post Top Ad

    Post Bottom Ad