• Breaking News

    X Factor atangin Robbie Williams leh Ayda Field-te an bang

    Robbie Williams leh a nupui Ayda Field-te chu X Factor judge zingah an tel tawh dawn lo.

    He thu hi Take That singer hlui Williams hian Instagram-ah post siamin a sawi a. Project dangah erawh Simon Cowell nen chuan an la thawk dun zel dawn niin a sawi thung.

    Williams leh Field-te hian he show hi nikum a\ang khan an zawm ve chauh va. Fan \henkhat chuan US lemchan thiam Field hi a rintlak zo lo ang tih an hlauh thu an sawi a. A chhan pawh rimawi lamah hriat a neih an ring lo a ni. Mahse, Simon chuan a \ha lutuk tiin a fak ve thung a. “He show-a tel tur hian rimawi lama tawn hriat neih kher a ngai lo va. Ayda hian rimawi khawvel chu thlirna tlang dang a\angin a thlir a, a thlirna hi kan mamawh a, kan sawtpui em em a ni,” a ti daih a nih kha. Field pawh hian a pasal Williams nena kum eng emaw zat an awm dun tawh avangin he show-ah hian a mikhual lo niin a sawi ve bawk.

    Williams hian nikum khan kum 13 zet he show judge lo ni tawh Louis Walsh chu a thlak a. Mahse, kuminah hian thil tih laklawh lai tam tak a neih avangin he show-ah hian an nupain an inlan thei tawh dawn lo tih chu Instagram-ah a post a. “He show fan hi kan ni reng dawn a, kan en ziah ang a, vote pawh kan thlak \hin ang. Simon pawh a \ul chuan kan be pawp reng dawn a ni. Project dangah phei chuan kan thawkho reng dawn,” tiin a sawi a ni.

    No comments

    Post Top Ad

    Post Bottom Ad