• Breaking News

    West Bengal-ah Rahul-a chuanna Helicopter tum phal lo

    Nimin khan Congress President Rahul Gandhi chu West Bengal-ah campaign rally nei tur a ni a. Mahse, Darjeeling sorkar hotute chuan Siliguri-a Police Ground-a a helicopter \umtir a tum chu phalna an pek theih loh avangin a \hulh.

    West Bengal state Congress president leh Darjeeling Lok Sabha bial a Congress candidate ni lai Sankar Malakar chuan he thu hi sawiin, Rahul hian nimin khan Dagapur, Siliguri-ah rally a neih a tum niin a sawi.

    Malakar chuan Rahul hi rally-a thu a sawi bakah hian party hruaitute nen inkawmna hun nei tura tih a ni a. Hemi bakah hian External Affairs Minister hlui Salman Khurshid leh Bollywood lemchan thiam Nagma-te pawhin rally neih an tum a, hei pawh hi district hotuten phalna an pek chhuah tlai em avangin an \hulh niin a sawi bawk.

    Malakar chuan April ni 14 leh ni 16-ah meeting neih hi phalsak an ni a, ni 14-a neih an thlang a, chu chu April ni 7 khan phalna an dil tawh a. Helicopter \um phalna pawh an dil nghal a, an dilna hi district thuneitute hian ni 4 chhung chu ngaihtuah lohvin an dah mai mai niin a sawi.

    Malakar chuan Darjee-ling district thuneitute hian hemi hma pawh hian CM Mamata Banerjee tihlawm nan harsatna an lo siam zeuh zeuh tawh niin a sawi bawk a. “Hetiang hi eptu candidate-te chungah a thleng fo a, Election Commission-ah kan thlen ang,” a ti.

    No comments

    Post Top Ad

    Post Bottom Ad