• Breaking News

    US-in Vietnam airport thian dawn

    US chuan Vietnam war laia hlo tur (chemical) chi khat - Agent Orange a dah khawmna \hin thlawhna \umhmun chu mihring chenna tlaka tihthianghlim tumin hma a la dawn a. He project hi dollar maktaduai tam tak hmanna tur a ni.

    US chuan thlawhna \umhmun then thianghlim nan hian dollar maktaduai 183 zet senna turin project a duang a, kum 10 chhung hma lakna turin ruahmanna a siam bawk a. Vietnam War tawp a\anga kum 40 aia tam hnuah hma a la chauh a ni.

    He airport hi Vietnam khawpui Ho Chi Minh City pawna Bien Hoa airport niin, Vietnam rama hmun hlauhawm ber pawl, mihring tana kal pawh kal ngam lohna hmuna sawi a ni a. Agent Orange hi US sipaiten an hmelmate tawmna ngawpuia thing leh mau thah/vah chereu nana an damdawi phuh \hin a ni a. He hlo tur avang hian an kahna biala awmte chuan cancer an vei nasa a; chu bakah nau piang hlim an piangsual nasa niin an sawi.

    Vietnam chuan Agent Orange avang hian mi maktaduai eng emaw zatin harsatna an tawk a, nau piang fuh lo nuai khat leh sing nga aia tam an awm phah bawk niin an lo sawi tawh a ni.

    No comments

    Post Top Ad

    Post Bottom Ad