• Breaking News

    US-in Pakistan-a zin lo turin a mite ti

    US chuan a mi leh sate chu Pakistan rama an zin dawn a nih chuan inngaih-tuah nawn fe turin a hriattir a. Firfiaka chetna a thlen tam avangin Balochistan, Khyber Pakhtunkhwa leh Pakistan occupied Kashmir (PoK)-te chu tlawh lo hram turin a hriattir bawk.

    US chuan Pakistan ram hrim hrim chu zin mite tana zinna atana hlauhawm ber dawttu, Level Three-ah a puang a. Balochistan, KPK province, PoK leh India leh Pakistan inrina lai chu hlauhawm ber - Level Four category-ah a dah thung a. American-te chu heng hmunah hian zin lo turin thurawn a pe a ni.

    State Department chuan zin mite tana thurawn (travel advisory) a tihchhuahah chuan firfiakte chuan Pakistan ram chhung khawi hmunah pawh, englai pawhin tharum an thawh thei reng a ni tih an sawi a. Firfiakte hian warning pe hmasa miah lo emaw, tlem te chauh pe emawin chet an thawh mai \hin niin an sawi a. An beih duhte hi mipui tamna lai te a nih \hin avangin fimkhur a ngai lehzual niin an sawi bawk.

    An thuchhuahah chuan firfiakte hian US palai te, US mi leh sa hrim hrimte chu an target bik \hin avangin Pakistan leh a chehhvel ram chu US mihringte tan a hlauhawm niin an sawi a; Pakistan ram chu zin loh a him ber niin an sawi a ni.

    No comments

    Post Top Ad

    Post Bottom Ad