• Breaking News

    Tiger Woods a chak, Major title 15-na

    Tiger Woods chuan kum 11 chhung a chak tawh loh hnuah Masters title a la ve leh ta a, Masters title 5 a lakna niin, major title 15 a lakna a ni bawk.

    Chawlhni-a Augusta National Masters final-ah American golfer dang pathum - Dustin Johnson, Xander Schauffele leh Brooks Koepka-te aia point khat chiaha sangin a champion a. 13 under a score a, a hnuaia awm pathumte hi an inang \hap a, ani aiin point khat chiahin an hniam vek a ni.

    Kum 43-a upa Woods hi a hnungzang na avangin kum eng emaw zat chhung chu tournament apiangah beisei a pha lo tawh a. Mahse, Chawlhni kha chuan a fate hmuh lai ngeiin Augusta green-ah a cham-pion ta a, “1997 khan ka pa hmuh laiin hetah hian ka chak tawh a, tunah chuan pa ka ni a, ka fa pahnihten min en ve ta thung a ni,”a ti

    Kum 2008 hnua Woods-an Masters title a lak lehna hmasa ber a ni a, Augusta National-ah hian  vawi nga a chakna a ni tawh a, Jack Nicklaus chu vawi khat chiahin a pha ta lo a ni. Hemi hmaa a Major title lak hnuhnun ber chu kum 2008 US Open kha a ni a, a masters title lak inkar hi a hla hle a, kum 11 lai a ni.

    No comments

    Post Top Ad

    Post Bottom Ad