• Breaking News

    The Mary Tyler Moore Show-a a changtunu Engel a thi

    Keini lamah chuan kan hre lar vak lo maithei - The Mary tyler Moore Show-a a changtunu, Georgette Franklin lema chang Georgia Engel chu kum 70 mi niin a thi.

    He lemchan thiam Engel hi he show-ah hian Episode 56 laiah a chang a. A changtupa ber Ted Baxter lema chang Ted Knight-a bialnu-ah a chang \hin a ni.

    Engel hi television lama a lemchan avang hian Emmy Award-ah vawi nga nomination hmu tawh a ni a. A thih chhan hi puan chian a ni lo.

    A \hian John Quilty chuan a \hin Engel hian a dam loh chungchangah hian doctor-te a rawn loh avangin a natna hi a hriat loh thu a sawi niin The New York Times chuan an ziak a. Amah Engel hi Christian Scientist a ni ve hrim hrim bawk.

    Engel hian kum 2007 khan The Toronto Star chanchinbu hnenah, “A tirah chuan episode pakhat a chang ve tur chauhvin min bia a, party scene-ah \awngkam tlem te lo hmang ve deuh tura tih ka ni a. Mahse, a hnu zelah min sawm zel a, ka chanvo a tam tual tual mai a ni,” tiin episode 56 zet a chan chhoh dan a sawi.

    Engel hian a hun tawp lamah Everybody Loves Raymond-ah Pat McDou-gall lema a chan avangin Emmy nomination pathum lai a hmu a. A lemchanpui Ted nen hian kum nga zet an chang bawk a, an inngaina hman viau a ni ang, an innei a, fa pawh pakhat an nei a ni.

    No comments

    Post Top Ad

    Post Bottom Ad