• Breaking News

    Thailand-ah India Navy hotupa

    Indian Navy chief Admiral Sunil Lanba chuan ni hnih cham turin vawiin hian Thailand a pan dawn.

    Lanba hian Thailand ram hruaitute chu India leh Thailand-in tuipuia thawh dunna an neih mek siam \hat leh tihngheh zual zel dan tur a sawipui dawn a. Ram venhimna lam kawnga thawh dunna thar chung-chang pawh a sawipui ngei tura ngaih a ni.

    Admiral Lanba hi PVSM, AVSM, ADC niin, a kawr awmah medal a inbel tlar nasa hle a. Thailand a cham chhung hian thialand ram Chief of Defence Forces, Royal Thai Armed Forces ni lai General Ponpipaat Nen-yasri leh Admiral Luechai Ruddit, Commander-in-Chief Royal Thai Navy bakah Thai sorkara senior officer-te a kawm ang/

    Sorkar thil pawimawha mi pawimawhte a kawm bakah hian Admiral Lanba hian Royal Thai Navy leh Royal Thai Armed Forces Headquarters, Bangkok-a mite chu a tlawh dawn a. Phuket-a 3rd Naval Area Command pawh a tlawh dawn an ti.

    Indian Navy leh Royal Thai Navy-te hi kawng eng emaw zatah an thawkho mek a. Kum za tam fe chu heng ram pahnihte hi Navy lamah an lo thawk dun tawh a. Kum 2012 khan Memorandum of Under-standing (MoU) on Defence Cooperation an ziak a, hemi a\ang phei hi chuan nasa zawkin an thawk duh ta a ni.

    Indian Ocean Naval Symposium (IONS) ah pawh Royal Thai Navy chu member an ni a. IONS Working Groups - ‘Huma -nitarian Assistance and Disaster Relief’ (HADR), ‘Maritime Security’ leh ‘Information Sharing and Interoperability’-ah te active takin an thawk a ni.

    No comments

    Post Top Ad

    Post Bottom Ad