• Breaking News

    Sri Lanka-ah bomb vawi 8 puak; Mi 200 aia tam an thi, 450 vel an hliam

    Nimin khan Sri Lanka khawpui Colombo-ah bomb vawi 8 a puak a. Mi 207 vel an thi a, mi 450 velin hliam an tuar a, he bomb tipuaktu zinga mi ni a rinhlelh pakhat man a ni.

    Bomb puahna hmun hi hmun hrang hrangah a ni a. Colombo khawpui Dehiwala-a Zoological Garden bulah pakhat chu a puak a; police-te chuan he Garden hi tiam chin awm lovin an khar nghal.

    Dematagoda-a Mahavila Udyan Road-ah,  housing complex bulah bomb hi a puak bawk a. Bomb puahna dang hi Kristian biakin pathum - St. Anthony’s Church, Kochchikade, St. Sebastian’s Church, Katuwapitiya leh Batticaloa-a biakin pakhatah te a ni bawk.

    Heng biakinah hian Kristian-te chu Easter lawmin tam tak an kal khawm a. Heng biakina bomb a puah hnu lawk hian Shangri La Hotel leh a chhehvelah bomb hi a puak leh bawk a ni.

    Thi leh hliam zingah hian tun thlengin India mi an tel thu report a la awm lo va, Ministry of External Affairs leh Colombo-a Indian High Commission-te chuan ngun takin thil thleng hi an ngaih -ven mek a. PM Narendra Modi leh President Ram Nath Kovind-te chuan he thil thleng pawi an tih thu leh a titute an dem thu an sawi a. Thi leh hliam chhungte an tawrhpui thu an sawi.

    Sri Lanka sorkar chuan nimin tlai dar 6 a\anga tukin dar 6 thleng ram pumah curfew a puang nghal a, vawiin leh naktuk hi sorkar chawlhah puangin, social media platform zawng zawng an block nghal vek bawk.

    Bomb puak hi zing lam dar 8:45 a\anga in\an niin,  nimin tlai dar 6 pelh thleng kha chuan he bomb tipuak -tu nia insawi an la awm lo a. Sri Lanka ramah ram chhung buaina a tawp hnu kum 10 chhunga hetianga bomb hmanga inbeihna a thlen vawi khatna a ni.

    No comments

    Post Top Ad

    Post Bottom Ad