• Breaking News

    Slovakia-ah hmeichhe President

    Slovakia ramah chuan anti-corruption candidate Zuzana Caputova chu an ram President inthlanah thlan tlin a ni a, an ramin President atana hmeichhia an neih hmasak ber a ni.

    Caputova hi pasal nei lo a ni a, politics lamah pawh tawn hriat a la nei lo hle a. Sorkar lai candidate, an ram palai hlui Maros Sefcovic chu he inthlanah hian a hneh a ni.

    Nikum khan Slovakia ram investigative hournalist Jan Kuciak chu thah a ni a. Ani hian politician-te leh mi sual rual inzawmna chung-chang a chhui a, hemi avang hian a bialnu nen kah hlum a ni a. Hei hi Caputova hian campaign-naah a \hatpui hle a. He thil thleng hi President nih a tum chhan pakhat a ni tih sawiin, an rama thil dik lo hrang hrangte do turin a pen chhuak niin a insawi a, hei hian mipuite a hneh hle a ni an ti.

    Nimin khan vote an la chhiar zo lo deuh a, Caputova hian vote tla zaa 58 a hmu tawh a, Sefcovic hian vote tla zaa 42 a hmu tawh thung a. Caputova hi a tling chiang tawh a, official erawh chuan puan a la ni lo a ni.

    Caputova hi dan hre mi a ni a, Slovakia rama ukil langsar ber zinga mi niin, pasal \hen a ni a, fa pahnih nei tawhin, kum 45-a upa a ni a. Progressive Slovakia party mi leh sa niin, an party hian an ram parliament-ah seat pakhat mah an la nei lo va, chuti chung chuan President atan thlan tlin a ni tho a ni.

    No comments

    Post Top Ad

    Post Bottom Ad