• Breaking News

    Serlui Bialtu-in chhiattawhna hmun a tlawh

    Nimin khan Serlui Bialtu MLA Pu Lalrinsanga Ralte chuan a bial Vairengte leh a chhehvela thlipui avanga chhiat tawkte tlawhin chhawmdawl dan tur a ngaihtuahpui.

    Serlui Constituency chhunga khaw hrang hrangah chhiatna a thleng tih a hriat veleh bialtu MLA Pu Lalrinsanga Ralte chu bial mipuite thlamuan a, chhawmdawlna awm thei ang te ngaihtuah turin Thawh\an tlai khan Vairengte a thleng  nghal a ni.

    Bialtu MLA chuan chhiat tawk chhungkuate tan Sawrkar atanga tanpuina awm thei ang ang te a theih anga ranga buaipui sak an nih tur thu a sawi a. Bialtu  MLA  hian chhiattawk te tanpuinan Silpauline engemawzat a pek bakah hnatlang ten an mamawh a an hman atan tangka fai eng emaw zat a pe bawk a ni.

    Pu Lalrinsanga Ralte hian nimin zing khan Phainuam leh Saihapui V khua te a tlawh a. Chhun lamah Vairengte-a chhiattawhna hmuna hnatlanna te tlawhin a hnatlang ve nghal a, a bial chhunga chhiatna tawh nasatna zualna khua Saipum leh Saiphai lam pawh tlai lamah a tlawh nghal bawk a ni.

    Hriat theih chinah Serlui bial chhunga in chhia hi heng khua - Vairengte - 87, Phainuam - 13, Saihapui V - 12, Saipum - 20, Saiphai - 10, N. Chawnpui - 2, Bilkhawthlir - 2, Rengtekawn - 1, a vaiin 147 a ni a. In chhia, luah tlak loh fully damage hi 15-20 inkar bawr vel a awm bawk a ni.

    No comments

    Post Top Ad

    Post Bottom Ad