• Breaking News

    Serie A-ah Juventus an champion

    Italian football club lian Juventus chuan Inrinni zan khan Fiorentina 2-1 a hnehin Serie A-ah an champion leh ta a. A zawna vawi 8 an champion-na a ni tawh.

    Tun season-ah game nga khelh tur a la awm a, chuti chung chuan Juve hi an champion a, anmahni bawkin record an lo siam tawh, match 5 la awma champion a, Serie A-a champion rang ber record chu an nihrual a ni.

    Juve hian kum 34-a upa Cristiano Ronaldo chu  Euro maktaduai 100-in an la lut a. Champions League -a champion an tum ber a ni a, mahse, semi-final an lut thei lo va. Serie A-ah erawh an champion ta tho va. Ronaldo tel lova a zawna vawi 7 an lo champ tawhnaah hian Ronaldo chuan tun season-ah goal 19 khungin a champion pui a. Tun season-a Serie A-a an chak lohna game hnih chu a khelh lohna ve ve a ni hlauh a ni.

    Hetih lai hian Juve tan hian rawlthar, kum 19 mi Moise Kean chuan game 9 chiah khelin goal 6 a rawn khung bawk.

    No comments

    Post Top Ad

    Post Bottom Ad