• Breaking News

    PUBLIC SERVICE ACT 2015 ZIRHO

    Nimin khan District khawpui hrang hrang ah The Mizoram Right to Public Service Act, 2015  zirhona buatsaih a ni a. DP&AR leh  Information Deptt tangkawpte buatsaih zirhona hi District tina DIPRO te bakah Press mite leh Zirlaite; NGO hruaituten an hmang a ni.

    Govt Kolasib College-a zirtirna petu Pu Collin Hlychho, MIS, DIPRO Kolasib chuan ‘He Dan hi sawrkarin mipuite chunga mawhphurhna a neihte hriattirna leh ngaih pawimawh zia lantirna a ni’ a ti a. A sawifiahna ah chuan ‘PHE lamah Tui Connection thar kan dil a; Deptt in hun rei tak min nghah tir tur a ni a; hun bitiam chhungin kan dilna chu an ti thei emaw harsatna an neih chuan min hrilh tur a ni a; Power Deptt ah Electrict Connection thar kan dil pawhin Deptt chuan hunbi tiam chhungin min tih sak tur a ni a; harsatna bik tak an neih chuan a diltu an hriattir ngei a ngai a; chutiang bawkin Transport Deptt ah pawh Driving Licence leh Documents te kan dil a; Deptt chuan hun bi tiam chhung ngeiin min tih sak tur a ni a; Job Card diltu pawhin a hun takah chhanna a hmu ngei tur a ni’ a ti. DIPRO chuan ‘Mizoram Sawrkar hnuaia Deptt 46 zet hi he dan hnuaiah hian seng luh an ni tawh a; chung Deptt te chuan chuan an service chu a hun takah mipui an tih sak ngei tur a ni a; an tih sak loh chuan Hrem theihna dan a awm sa vek a ni’ a ti bawk. Service diltute hnena danin a phut ang ni lo “pawisa” lo dil pawh hi Dan in a phal lo a ni.

    Mizoram ah chuan  25 March, 2015 khan Mizoram Governor zahawm tak chuan hman phalna a lo ziah tawh thu sawiin, ni 1 December, 2015 atanga hman tan a ni tawh a. Mahse a hre tur dik tak mipui ten an la hriat tawk loh avangin nimin khan zirhona buatsaih a ni.

    He dan hnuaiah hian tun thlengin ‘service’ 46 seng luh tawh niin, chung service neitu department te chu, Transport, Taxation, Social Welfare, Rural Development, Finance leh PHE Department an ni a. He dan nihphung leh a kalpui dan te, zualko theihna awm te leh a hman tangkai dan tur te chipchiar takin a sawifiah a. Chipchiar lehzuala lo inzir duh tan www.dipr.mizoram.gov.in ah download theih a nih thu te a tarlang a ni.

    He dan hnuaiah hian Sawrkar ina mipuite hnena ‘Service’ a pek dana lungawilo te tan lungawi lohna thlenna tur First Appellate Authority leh Second Appellate Authority an awm a, First Appellate Authority chuan Designated Officer in chhan leh vang mumal tak awm lova miin ‘service’ a dil chu  hunbi tiam chhunga pe lovin a lo tikhawtlai nia a hriat chuan hunbi tiam ral hnu atanga a pek chhuah hma zawng nitin Rs. 250 a chawitir thei a, Rs. 5000 thleng chawitir theih ani. Second Appellate Authority chuan First Appellate Authority in chhan leh vang mumal awm lovin lungawilohna a hnena thlen chu hun tiam chhunga a  rem lohvin Rs. 500 atanga  Rs. 5000 thleng a chawitir thei bawk a, pawisa chawi tir bakah hian Sawrkar hnathawk chungah Disciplinary Action lak theih ani bawk.

    No comments

    Post Top Ad

    Post Bottom Ad