• Breaking News

    Pali-naah Arsenal an chho

    Thawh\an zan khan Arsenal chuan Watford an va tlawh a. Troy Deeney chuan \ul lo takah red card a hmu a, Watford keeper Ben Foster chuan ho takin goal a chhuah bawk a, Arsenal 1-0 in an chak a. Arsenal hi Premier League -ah 4-naah an kaisang.

    Foster hian back pass chu a khalh rei lutuk a, Arsenal striker Pierre-Emerick Aubameyang chuan a rawn nangching a, goal a khungti a. Hemi hnu lawk hian Watford captain Deeney chu Arsenal midfielder Lucas Torreira a nghawk avangin red card pek a ni bawk a. Heti chung hian Watford hian inkhel an thunun zawk titih a, kim se chuan Arsenal hian an hneh loh a rinawm zawk hial a ni.

    Minute 80 chhung teuh meuh 10-in an khel naa, Watford hian goal chance an ngah a. Second half-ah Adam Masina chuan long range shot bon tak hmangin bar a pet per a. Arsenal goalkeeper Bernd Leno chuan vawi eng emaw zat Watford goal khung tur a dansak bawk a. Arsenal hian ho deuha goal an khung tih loh chu chance an nei lem lo va. Henrikh Mkhitaryan chuan hnai set sawt a\angin goal khungna chance a nei a, mahse, Foster chuan a lo dansak a, hei bak hi chu goal chance ropui an nei lo.

    Arsenal hi che \ha lo mah se, away-ah an chak avangin an dinhmun a \ha sawt a. Season thara Champions League khel thei turin dinhmun \ha takah an ding mek a. Tunah rih hi chuan top 4 nih inchuhnaah Chelsea dinhmun a chhe ber ti ila a dik awm e.

    Arsenal hi 4-na an ni a, 6-na Manchester United aiin point hnihin an sang zawk a, 5-na Chelsea aiin khelh khatin an khel tlem zawk naa, an point hmuh inangin goal difference-ah an sang zawk a ni.

    Watford hi chak se chuan 10-na a\angin 7-naah an kaisang thei a. Mahse, an mawl luat an tuar a tih theih a. Foster hian ball pet chhuah nan hun a ngah lutuk a, mahse, Aubameyang chu goal a khilai a. Deeney red card pawh hi hmuh loh theih a ni a, a mawlthlak hle a ni.

    Arsenal hi tun season Premier League-ah away game-a vawi hnih an  chakna a ni chauh a. Away-a an hneh dang chu table mawngphaha awm mek Huddersfield an ni a. An home-ah an che \ha a, tun season Premier League -a home-a che \ha ber pathumna an nih avangin top 4 an la chuh thei a ni.

    Top 4 inchuhnaa an elpui dangte ang lo takin Arsenal hi chuan tun season-ah Premier League big six tum tur an nei thei tawh lo va, mahse, season thara Champions League khelh an duh chuan away game an la khelh turah an chet \hat a ngai dawn a. Away-ah 7-na Leicester, 8-na Wolves leh 14-na Burnley-te khelh tur an la nei a ni.

    Inkhelh banah Watford manager Javi Gracia chuan, ‘Kan khel \ha. Referee thutlukna ka zah a, mahse, ka lo hmuh dan chuan Deeney kha red card pek tur a ni lo,” a ti.

    No comments

    Post Top Ad

    Post Bottom Ad