• Breaking News

    Notre Dame kang - tihpalh?

    Thawh\an zan khan France ram khawpui Paris -a Notre Dame biakin (cathedral) chu a kang chhe vek a. Nimin khan France ram thuneitute chuan he kangmei chhuak hi tihluih ni lovin, tihpalh ni-a a lan thu an sawi.

    He kangmei chhuak hi kang \helh pawla mi 400 velin an \helh pawhin an \helh hleithei lo va. Biakin chung a kang chhia a, a chim a, kum zabi pariatna lai vela sak biakin a nihna mai piah lama khawvel thil hlui zinga hlu tak chu a kang chhe nasa hle a. Darkar 14 zet an \helh hnuah kangmei hi an \helh min thei chauh.

    Paris public prosecutor  Remy Heitz chuan he kang -mei chhuak hi eng nge a chhan tih chhuiin mi 50 an bur nghal char char tih a sawi a. Uluk takin he kangmei chhuah dan kimchang hi an chhui chhuak ang tih a sawi.

    He kangmei chhuak an \helhna lamah hian kang \helh pawla mi pakhatin hliam a tuar a, a bak chu mi dang thi leh hliam an awm lo a ni.

    No comments

    Post Top Ad

    Post Bottom Ad