• Breaking News

    Myanmar-in tang 9000 chhuah

    Myanmar ram chuan an ram chhiar dana Kum Thar-ah an rama jail tang mi 9,000 zet an chhuah.

    Myanmar ram Presi-dent Win Myint chuan tanina khung mek mi 9.353 zet chu chhuah an nih thu a puang a. Heng zingah hian ram dang mi 16 an tel nghe nghe a. ‘Myanmar ram kum tharah hian, mipuiten remna leh muanna an duhzia an lantir a, chumi do let tur chuan sorkar pawhin hetiang hi a ti ta a ni,’ a ti.

    Hetih lai hian tang chhuah turte hming hi puan a ni lo va, venghimtuten President-in a ngaihdam turte hming hi an la khawm mek niin sawi a ni thung a. An zingah hian tel ngei tur ni-a an sawi chu politics avanga man, non-profit human rights pawl - Assistance Association for Political Prisoners (AAPP) ami  Aung Myo Kyaw a ni a. AAPP sawi danin Myanmar ramah hian politics avangin taninah mi 364 an tang mek an ti a. Hei hi Myanmar ram sipaite thil tih dik loh vang niin an sawi bawk a. Heng mite hi Myanmar mipui sorkarin a chhuah zalen tur zingah an tel ngei rin a ni.

    Hetih lai hian tang ngaihdam tur zingah hian hmanni lawka khawvelin Myanmar sorkar a dem em emna - Reuters journalist pahnihte chu an tel lo niin sawi a ni a. Anni pahnih hi Official Secrets Act an bawh chhiat avanga man niin sorkar chuan a sawi a nih kha.

    No comments

    Post Top Ad

    Post Bottom Ad