• Breaking News

    Mibo zawn lai hmuh a ni

    Dt 6.April.2019 (Inrinni) zan atanga chin hriat loha awm Kawnpui Banglaveng Tleirawl chu ni tam tak zawn a nih hnu-ah nimin chhun dar 1:30 vel khan Aizawl Venghnuai-a chhungkaw pakhat chuan Awmpui angin an lo chenpui tih hriat a ni a. A awmna chhungkua te hian khawtlangin kan zawng mek a ni tih an lo hre lo a; lawm takin an lo awmpui niin thudawnna chuan a sawi.

    Joint YMA hruaitute hnen atanga hriat danin Inrinni zan hian Bolero hmangin Aizawl a pan a; Bolero khalhtu hian a kal tumna a hriatin a khawngaih a; Rs 1000/- a lo pe nghe nghe a. Mahse Aizawl-a lo hmuaktu tur nia a sawi chuan a lo hmuah tak mai loh avangin Bolero khalhtu hian a nghah pui niin a sawi. Hetianga a thiante nen an inhmuh hnu hian Aizawl Venghnuai-ah Awmpui nei duh an awm thu an hria a; anni chhungkua chu a va fin ta mai a ni an ti.

    Joint YMA hruaitute chuan anni hi chhungkaw fel tak an ni a; amah pawh an lo khawngaih a; an lo lainat hle niin an sawi bawk.

    Hetianga Mibo zawn hmuh a nih tak-ah chuan Bo zawn mek chu nimin chawhnu lam atang khan tihtawp a ni a; VCs te, Joint YMA, Banglaveng Branch YMA leh Mibo chhungte chuan khawtlang mipui hnenah lawmthu an sawi a ni.

    Nimina Bo zawnnaah hian mi 200 vel an thawk chhuak a; lirthei 20 chuang tlawmngai ten an thawhchhuahpui bawk a. Kawnpui chhehvel hmun hrang hrang an tuam a; Aizawl leh Bairabi lam thlenga kal te pawh an awm a ni.

    No comments

    Post Top Ad

    Post Bottom Ad