• Breaking News

    Miami-ah Barty a champion

    Miami Open-ah Australia nula Ashleigh Barty chuan final-ah Czech nula, 5th seed ni a, champion tura ngaih zawk Karolina Plisko -va chu 7-6 (7/1) 6-3  a hnehin a champion a. Singles title a lak zinga ropui ber a ni.

    Kum 22-a upa Barty hian kum nga liamta khan Tennis chu hahthlak tiin, a chawlhsan a, professional cricket lamah a kalsan a. Mahse, a hnu kum khat lekah tennis lamah kir lehin, tunah chuan WTA Premier Mandaroty tournament an tih, Grand Slam hnuaia tournament lian ber chu a champion ve leh ta der a n.

    Barty hian nikum September thla khan US Open title a la a, mahse, doubles-ah a ni a. Kum 15 mi a nihin Wimbledon junior champion a ni tawh a. Mite beisei ang ngeiin a rawn \ha chho zel a. Fit 5 leh inches 5 chauhva sang ni mah se, a thiam avangin a kaisang chak hle a. Vawiina ranking tihchhuah ah top 10-ah lutin, 9-na a ni a. Australian zingah Sam Stosur tih lohva WTA top 10 kai thei hmasa ber a ni dawn ta a ni.

    Barty a champion leh takah hian kumin WTA tournament 14 awm tawh ah champion mi 14 an awm tawh a, hetianga kum tir tournament-a mi hrang \hiau an champion zel hi kum dangah vawi 14 thleng thleng a la awm ngai lo.

    Final-a chak lo ta zawk Pliskova pawh hi WTA ranking tihchhuah tharah 4-naah a kaisang ang.

    Kum 27-a upa Plisko-va hian US Open last 16-ah khan Barty hi 6-4 6-4  in a hneh a, Barty hian phuba a la ve ta a ni.

    No comments

    Post Top Ad

    Post Bottom Ad