Lucknow-ah Rajnath Singh-an nomination a file

Union Home Minister Rajnath Singh chuan nimin khan Lucknow parliamentary constituency-ah Lok Sabha inthlan chuh turin hming a pe lut (nomination a file) ta.
   
Setu (temple) ah \awng\aina hun a hmang bawk a ni.

Nomination a file-naah hian Singh hi BJP national thupuangtu Sudhanshu Trivedi leh UP Minister Brajesh Pathak-te chuan an \awiawm a. Anni bakah hian state BJP leh Uttar Pradesh state sorkara mi pawimawh tak takte pawh an tel ve bawk.

Singh hian kum 2014 khan a vawi khat nan Lucknow parliamentary constituency a\ang hian Lok Sabha inthlan a chuh a. A elpui Congress candidate lakah awlsam takin hnehna a chang a. Kum 2014 MP inthlana a khingpui, Congress candi-date Bahuguna Joshi hi tunah chuan BJP-ah inpe leh tawhin, UP state-ah minister a ni leh daih tawh.

Lucknow hi tun hma a\angin BJP tana bial him \hin a ni a. Prime Minister hlui boral ta Atal Bihari Vajpayee bial him ni ngar ngar kha a ni.

Lucknow-ah hian inthlan thawh nganaah, May ni 6 hian vote thlak a ni dawn a, chhiar hun erawh a inang vek.