• Breaking News

    Kolasib Hospital-ah March thla chhungin Ui seh 24 awm

    March thla chhung khan Ui seh vangin mi 24 chu Kolasib District Hospital-ah hruai an ni a, heng mihring sehtu Ui zinga a tam zawk hi khawlaia chhuak an ni. Damdawi In pantute zingah Naupang kaw\halo an tam fal hle bawk.

    District Hospital Monthly Statistical Bulletin-a tarlan a nih danin March 2019 chhung hian Ui seh tuar mi 24 chuan Hospital Casualty an pan a, Ui seh zingah hian Naupang 16 zet an awm laiin Puitling 8 - mipa 7 leh hmeichhia 1 an awm bawk.

    Mihring sehtu Ui hi ven loha khawlaia chhuak deuh vek niin thudawn a ni. Hetih lai hian District Bawrhsap Zoengsanga chuan Feb 18, 2019 khan thupek tichhuakin khawlaiah ran chhuah khap a nih thu leh Ui bik chu khawlaia hruai duhte chuan hruia kaih tur a nih thu a tarlang a, heti chung hian khuahkhirh loh Ui, khawlaia chhuak hi hmuh a la tam hle niin thudawn a ni. Ui seh bakah hian Rul chuk leh Sazu seh pakhat ve ve an awm a, Rul chuk hi naupang niin sazu seh hi hmeichhia a ni thung.

    Hospital Bulletin-ah hian March thla khan Naupang khaw\halo a tam hle niin chhin-chhiah a ni a, case 97 zet ziahluh ni mahse Naupang 12 chauh Damdawi In-ah hian admit an ni. Naupang zingah hian hmeichhia an tam zawk a, 51 niin mipa naupang hi 46 an ni thung.

    March thla chhungin Hospital hian mitthi 8 an nei a, a zahve hi an thih hma darkar 48 hmalama Damdawi In thlenpui an nih laiin naupiang 51 an awm a, naupiang zingah mipa 28 awmin an tam zawk a ni. Damdawi In-a in entir hi OPD-ah mi 2209 leh Casualty-ah mi 852, an vaiin mi 3061 an ni a, in entir zingah mi 280 chu Damdawi In-a enkawl zui turin admit an ni.

    OPD-a in entir zingah Medicine pantu an tam fal hle a, 1093 zet awmin department dang hi chawhrualin mi 350 velin pan ang an ni a, Ortho leh Psychiatric Department erawh mi 22 leh 37 in panin an tlem fal hle thung. Hetih lai hian chhinchhiahnaah March thla chhungin Health Care leh RSBY hmangtu tarlan an awm lo.

    No comments

    Post Top Ad

    Post Bottom Ad