• Breaking News

    Kolasib District-ah MGNREGS atan Nuai 4438.15 hmang

    Kum 2018-2019 chhung khan Mahatma Gandhi National Rural Employment Guarantee Scheme hnuaiah Kolasib District chhungah Cheng Nuai 4438.15 hman ral a ni.

    NR inhlawhna hi kum khat chhunga ni 100 tal mirethei ten inhlawhna an hmuh theihna tura ruahman a ni chungin, tun hnai chhovah chuan Ni 100 thawk tling District an awm loh thu DRDA Kolasib thawktute chuan sawiin, Sawrkar kum kalta chhung khan ni 75 vel inhlawhna siam a nih thu an sawi bawk.

    Mizoram pumah Job Card 1,93,683 pekchhuah ni tawhin, hmanlai (active) 1,92,117 a awm mek a. Heng Job Card hmang hian mi 1,96,946 an inhlawh \hin a ni. Kolasib District chhungah Job Card pekchhuah tawh 18,796 awmin Bilkhawhtlir Block-ah 12,833 leh Thingdawl Block-ah  5,963 a ni a, tun dinhmunah hman lai (active) 18,758 (Bilkhawhtlir Block - 12,808 leh Thingdawl Block - 5,950) a awm mek a ni.

    Kum 2018-19 chhung khan Mizoram pumah NREGS hnuaia mipui inhlawhna atan Cheng Nuai 44640.28 hmuh a ni a, Material component-ah Cheng Nuai 2193.96 leh Admin wages-ah Cheng Nuai 1789.48 hmuh a ni bawk. Kolasib District bikah chuan mipui inhlawhna turin Cheng Nuai 4028.23 hmuh a ni a, Material component-ah Cheng Nuai 209.49 hmuh a ni bawk.

    Material component Cheng Nuai 209.49 hmang hian Kolasib Venglai VC chuan Cheng Nuai 6.47 man hna thawkin, an hmu hnem ber a, Kawnpui VC - III te chuan dawtin Cheng Nuai 5.64 an hmu a ni.

    Kumin, 2019-2020 chhung hian Mizoram pumah Cheng Nuai 747.93 hmuh ni leh tawhin, heng zingah Cheng Nuai 740.97 chu mipui inhlawhna hlawh a ni. Kumthar sum hi Champhai, Lunglei leh Lawngtlai District a Job Card neite inhlawhna turin Cheng Nuai 719.93 pek an ni a, Kolasib District tan Cheng Nuai 0.29 pek a ni.

    No comments

    Post Top Ad

    Post Bottom Ad