• Breaking News

    Khawvela 5G internet hmangtu district hmasa ber - Shanghai

    China rama Shanghai khawpui huamtu Hongkou district chu khawvela 5G coverage leh gigabit net-work broadband hmang hmasa berah an inpuang ta.

    China rama telecom service provider China Mobile chuan 5G network hi trial run an nei a. Inrinni a\ang khan Hongkou district-ah hian an kalpui chhin tawh a ni.

    Hongkou district-ah hian thla thum liamta a\ang khan 5G base station an bun \an a, helai biala network a \hatna turin hma an lo la \an tawh a ni.

    Shanghai khawpui vice-mayor Wu Qing chuan khawvela a hmasa ber atan  Huawei Mate X smart-phone a\angin 5G video call hmasa ber a siam a. Mate X smartphone hi khawvela 5G foldable phone hmasa ber a ni nghe nghe.

    Shanghai-ah hian kumin chhungin 5G base station sing khat vel siam hman an tum a. Kum 2021-ah chuan China ramah 5G base station sing thum chuang neih hman an tum a ni.

    No comments

    Post Top Ad

    Post Bottom Ad