• Breaking News

    Kane tel lovin Spurs an ropui

    Inrinni zan Premier League inkhelah an captain leh an top scorer Harry Kane tel lovin Tottenham chuan tla chiang tawh Huddersfield an khel a, si li faiin an hneh. Chelsea lehpelin 3-naah an kaisang leh ta.

    Tottenham Hotspur Stadium-a inkhelah a tir a\angin Spurs-in inkhel an thunun nghal a. Victor Wanyama chuan goa hmahruai a khung a. Hemi hnu lawk hian Lucas Moura chuan goal a rawn khung leh nghal a. Hun tawp hmain Brazil player Moura hian goal a khung a, hun pek belhah khung belhin, hat-trick a siam ta a ni.

    Hemi hma hian Christian Eriksen leh Fernando Llorente-te pawhin goal ban an pet per dawt dawt bawk.

    Huddersfield chu table mawngphahah an awm zui zel a, a zawnin vawi 6 an chak lohna a ni ta.

    Nilaini-ah Champions League quarter-final chu Manchester City nen an khel leh dawn tih hre rengin City laka si khat faia an chakna inkhela khel zinga pasarih chu Mouricio Pochettino chuan a chawlhtir a. Inhliam Kane, Dele Alli leh Harry Winks-te chu squad-ah an tel lo hrim hrim a, Son Heung-min pawh bench-ah a \hu a. Llorente, Moura leh Eriksen ten bul an \an. Mahse, Huddersfield hneh nan chuan an tawk em em a ni.

    Spurs hian Champions League-ah semi-final luhna chance an nei a, Premier League-ah pawh top 4 ni thei tura rinkai an ni mek bawk.

    Huddersfield hian tun season Premier League-ah goal 19 chiah an la khung a. Kum 2007-08 season-a Derby County-in season khat chhunga Premier League goal khung tlem ber record an siam aiin goal khatin an la khung ltem zawk a ni.

    Spurs striker Moura hi Premier League-a Brazi-lian player hat-trick siam thei palina a ni a. Roberto Firmino, Afonso Alves leh Robinho-te hnung a rawn zui a ni.

    Inrinni zan inkhel dangah Bournemouth chuan away-ah Brighton chu 5-0 in an va sawp a. Burnley chuan 2-0 in Cardiff an hneh a. Tla chiang tawh mah se Fulham an \ang zel a, 2-0 in Everton an hneh a. Southampton pawhin an mikhual, tun season-a che \ha tak Wolves chu 3-1 in an hneh bawk.

    Brighton leh Cardiff hi  la tla thei hnaivai ber ve ve an ni a, naktuk zanah intum dawn a, chak lo zawk tan a pawi tawh maithei.


    United-in West Ham hneh hram

    Inrinni zan Premier League inkhelah West Ham chu Manchester United chuan Old Trafford -ah an mikhual a, 2-1 in an hneh hram.

    United hian Paul Pogba penalty vawi hnih pet goal hmangin hnehna an chang a. West Ham manager Manuel Pellegrini chuan VAR hmang se chuan an chak a rin thu a sawi.

    Inkhelh \an a\anga minute 9-naah West Ham tan Felipe Anderson chuan goal a khung a, mahse, offside tiin an pawmsak lo va, offside lo niin a lang a. Juan Mata penalty hmuh chuan sawisel a hlawh hle bawk a. Penalty an hmuh vawi hnihnaah pawh a hmu-tu Anthony Martial chu a offiside niin a lang bawk.

    Pellegrini chuan, “Referee ka sawisel lo va, tihsual lian pawh a ni lo. Mahse, khawl chu awm se chuan kan chak ang,” a ti hmiah mai.

    West Ham tan hian Anderson chuan first half-a a goal khung an pawm loh hnuah second half-ah pawm loh theih lohvin goal a rawn khung a ni.

    United manager Ole Gunnar Solskjaer pawhin, “Kan vannei a, kan chak a ni. A chang chuan kan phu loh result \ha kan nei \hin a, chutiang chu zanin hi a ni,” a ti ve thlawt.

    United hi 5-naah kai sangin, 4-na Chelsea aiin point 2 chauhvin an hniam tawh zawk a ni.

    Premier League result
    SATURDAY 13TH APRIL 2019
    Tottenham 4-0 Huddersfield
    Brighton 0-5 Bournemouth
    Burnley 2-0 Cardiff
    Fulham 2-0 Everton
    Southampton 3-1 Wolves
    Man Utd 2-1 West Ham

    No comments

    Post Top Ad

    Post Bottom Ad