• Breaking News

    Instagram-ah Fake news a tam!

    Social media platform zinga lar ber pawl Instagram hi Mizo \halaite zingah pawh a lar hle a. Thlalak in-share tawnna atana siam a ni na a, mi tam takin a thu pawh sei tak tak an post fo ta a. Hetah hian mi thiamte chuan news lem - Fake News - a tam hle a. Social media platform hrang hrang zingah Instagram-ah hian fake news a tam ber an ti a. A chhan chu Instagram-ah hian fake news lam vengtu  an awm lo va, restriction a awm lo hrim hrim an ti.

    Mi thiamte sawi danin, Election Commission of India (ECI) in inthlan laia zawm tur ‘Code of Ethics’  a tihchhuah chu social media platform dang - Facebook, Twitter leh Whatsapp-ten an zawm laiin, Instagram-ah hi chuan hman ve theih a ni lo va. Hemi avang hian fake news a tam em em a ni an ti bawk.

    Code of Ethics-in a sawi angin Facebook, Twitter leh Whatsapp-te chuan thuthar dik lo leh a lem ni-a hriatte chu platform a\ang hian an remove hmak hmak a. Mahse, hetiang hi Instagram-in Ethics an zawm ve loh avangin an platform-ah hi chuan a awm ve lo va, chuvangin fake news hi a tam lo thei lo ta a ni.

    Tunlai, Lok Sabha inthlan lai pawh hian party leh politician langsar te chuan Instagram hi campaign nan an hmang nasa hle a. Ethics code-in a phuar ve loh avangin anmahni account-ah chuan an duh duhin post an siam a. A hausa deuh phei chuan an post hi pawisa hmangin an boost thei lehnghal a; mi dik vak lo tan chuan hei aia hmanraw \ha hi a awm lo hial ang.

    ECI chuan Facebook, WhatApp leh Twitter-a thil post-te hi ngun takin an en a, tun hnai maiah pawh khan Parliamentary Com-mittee chuan Twitter CEO Jack Dorsey chu fake news leh social media-a theh darh a nih dan kimchang hrilh fiah turin an ko tawh a ni.

    Sorkar laipui chuan social media platform hotute chu fake news theh darh \hinte man chhuak a, an platform hmang thei lova siam turin an hriattir a. Mahse, tun thlengin Instagram hi chu sorkar thununna hnuaiah a awm rih lo a ni.

    Instagram chuan Election Commission hian an platform-a thil post zinga engmah la thla turin an la hriattir lo niin an sawi a. Chuvangin, fake news lamah pawh sorkarin engmah sawi a neih loh avangin hma an la lo tih an sawi a ni.

    Cyber expert Sanjog Selar chuan Instagram-ah hian fake news theh darhtute hian follower nuai chuang fe fe an nei tih sawiin, video-te pawh a share theih avangin politician-ten inthlan campaign nan an hmang nasa hle niin a sawi.

    No comments

    Post Top Ad

    Post Bottom Ad