• Breaking News

    India ramah thli leh ruah a hrâng, Mi 40 chuangin nunna an chan

    India ram hmun hrang hrangah tunlai hian thli leh ruah a hrang hle a. Rajasthan, Madhya Pradesh, Maharastra leh Gujarat-ah chuan zan khat thilthuah mi 40-in thli leh ruah avangin nunna an chan a. Mi tam tak an inhliam bawk.

    Rajasthan state chhung ringawtah thli leh ruah avanga thi zat hi 21 an tling a. Tuna hriat chin bak pawh hi hriat belh leh a la awm ngei an ring.

    Bhopal-ah pawh sorkar hotute chuan a hun loh laia thlipui tleh thut avang hian Madhya Pradesh state-ah mi 15 an thi an ti a, hliam pawh an awm nual an ti bawk.

    Nimin zing khan India ram pumah mi 35 vel an thi niin puan a ni a. Mahse, nimin nilenga report hriat belh zelah chuan thi zat hi 40 chuang an ni tiin news channel leh webiste-te chuan an sawi a ni.

    Gujarat-ah chuan mi 10 an thi an ti a. Thite hi Gujarat hmar lam leh Saurasthtra bial vela mi an ni deuh ber a. Thite zingah hian \ekin a den leh thing tluin a delh te an ni.

    Maharastra-ah chuan mi pasarih an thi tih report a ni a. Ni hnih chhung chu thli a thawk a, \ek a tla nasa hle bawk a. Nashik leh Pune-ah ruah a sur bakah rial a tla nasa hle bawk.

    No comments

    Post Top Ad

    Post Bottom Ad