• Breaking News

    Holloway a chak lo ve ta e

    Nimin zing khan Atlanta-ah UFC 236 neih a ni a. Interim Lightweight world title inchuhnaah kum nga zet lo chak a, vawi 13 chak zawn tawh world cham-pion ni lai Max Holloway chu Dustin Poirier chuan point hmangin a hneh.

    He inhnekah hian Poirier hi judge pathumte chuan 49-46 a chakah an puang vek a ni.

    Nikum July thla khan Poirier hian Eddie Alvarez a hneh a, khami hnu khan nate Diaz chu November thlaa UFC 230-ah hnek tura tih a ni a, mahse, a inhnukdawk a. Tun hi UFC octagon a luh leh vawi khatna a ni a, hnehna a chang ta a. “Khawvela pound-for-pound fighter \ha ber zinga mi ka hneh a, MMA-ah ka vawi 25 chakna a ni a, ka chakna zinga ropui ber a ni bawk. Hei hi ka duh chu a ni a, tunah chuan unify title neih leh ka duh a ni,” a ti.

    Poirer hi American a ni a. Holloway a hnek hma hian UFC fighter \ha teuh bera sawi a ni \hin a. Mahse, nimin zinga an inhnekah hian kum 27-a upa Holloway, mi tam takin hah thei lo anga an sawi \hin chu round 5 hautak takah a hneh a ni.

    Kum 2012 khan Poirier hian Holloway hi UFC 143-ah, round khatna lekah submission-in a lo hneh tawh a. Khatihlai khan Holloway hi UFC fighter zinga naupang ber a nih avangin mi tam takin an dem lem lo.

    No comments

    Post Top Ad

    Post Bottom Ad