GP of America-ah Alex Rins

Alex Rins chan Grand Prix of America-ah Chawlhni khan chak berin, MotoGP title a lak vawi khatna a ni.

Chawlhni-a intlansiak-ah hian champion lai Marc Marquez chu a chesual a. Marquez hi Austin-ah hian vawi ruk a champion zawn tawh a. Lap 9-na thlengin hmahruaitu a ni a, mahse, lap 9-naah hian a chesual ta a, a tlan chhunzawm thei ta lo va. Rins hian Valentino Rossi aia 0.462 seconds-a thlen khalhin a chka ber ta a ni.

Andrea Dovizioso  chu palina a ni a. Australia rider Jack Miller chu pathumna a ni a. Italy mi Rossi chu driver standings-ah Dovi-zioso hnuaiah awmin, point 3-in a hniam zawk a. Rins hi pathumna a ni mek.

Rins hi kum 23 chauh a upa a ni a, “Velentino ka thlen khalh a nia! Ka naupan laia ka idol a ni a, ani hneha ka chak thei hi ka tan chuan duhthusam piah lam ram a ni,” tiin a chak hnuah a sawi.

Austin results
    1. Alex Rins (Spa/Suzuki) 41mins 45.499secs
    2. Valentino Rossi (Ita/Yamaha) +0.462
    3. Jack Miller (Aus/Ducati) +8.454
    4. Andrea Dovizioso (Ita/Ducati) +9.420
    5. Franco Morbidelli (Ita/Yamaha) +18.021
 
Overall standings
    1. Andrea Dovizioso (Ita/Ducati) 54 points
    2. Valentino Rossi (Ita/Yamaha) 51
    3. Alex Rins (Spa/Suzuki) 49
    4. Marc Marquez (Spa/Honda) 45
    5. Danilo Petrucci (Ita/Ducati) 30