• Breaking News

    ECI-in UP CM Adityanath leh BSP hotu Mayawati-te a hrem

    Model Code of Conduct (MCC) an bawh chhiat avangin Election Commission of India (ECI) chuan Uttar Pradesh Chief Minister Yogi Adityanath leh BSP chief Mayawati -te chu darkar 72 leh darkar 48 campaign thei lo turin a hrem ve ve.

    Supreme Court chuan Yogi Adityanath chungah hian Ali leh Bajrang Bali chungchang a sawi dan avangin  a lawm lo tih leh, Mayawati’n Muslim-te chu amah vote tura a sawm danah a lungawitlhak loh tih a sawi hnua ECI hian hma a la ta a ni.

    Heng hruaitu langsar pahnihte hi ECI chuan vawiin zing dar 6 a\ang hian campaign a phalsak lo a ni.

    Supreme Court chuan ECI-in heng hruaitute lakah hian hma a la ngam lo niin a sawi a, hemi avang hian ECI aiawhte chu vawiin hian MCC chungchanga an hma lak dan sawi fiah turin Supreme Court-a inlan turin Chief Justice Ranjan Gogoi chuan thu a pe a ni.

    Mayawati hi vawiin hian Samajwadi Party hotu Akhilesh Yadav nen Agra-ah joint rally nei tur an ni a. Mahse, ECI-in a khap tak avangin a tel thei dawn ta lo va. Hetih lai hian Yogi Adityanath hi Prime Minister Narendra Modi leh BJP President Amit Shah-te tih lohva BJP star campaigner awmchhun a ni a, hetia hrem a nih avang hian a programme chu a buai ve viau dawn a ni.

    ECI chuan heng hruaitu langsar pahnihte hi India ram danpuiin dikna chanve a pek leh MCC a sawi ang zawm turin a hrilh a ni.

    No comments

    Post Top Ad

    Post Bottom Ad