• Breaking News

    Crolla an knock out

    Britain boxer Anthony Crolla chu WBO leh WBA lightweight champion lai Vasyl Lomachenko chuan Zirtawpni khan Los Angeles-ah a knock out.

    Kum 31-a upa Loma-chenko hi he inhnekah hian chak zawk tura rinkai sa a ni a. Kum 32-a upa Crolla hi a tirah tak phei chuan Lomachenko hnek tura tih a ni lo va. Mahse, Loma-chenko hnek tura tih a theih loh avangin Crolla hi hnek tura tih a ni a. Manchester  khawpuia piang Crolla hian a tir a\angin a hneh lo nghal a. Round 4-naah Loma-chenko kut dinglama a hnek chu a tuar ta lo va, inhnek turin a tho zui thei ta lo a ni.

    Olympic-a gold medal vawi hnih la tawh Loma-chenko hi mi 14 a hnek tawhah vawi khat a chak lo a, vawi 13 a chak a. Chung zinga vawi 10 chu a hnekpuite a knock out a ni.

    Round 4-naa Crolla a tluk hma hian round thum-naah a tlu tawh a, mahse, a tho leh a. Round 4-naah erawh inhnek leh thei tur a awm tawh lo a ni.

    Crolla hian mi 44 a hnek  tawh a, 34 a hneh tawh a, mi 7 hneh lovin, mi 3 a draw tawh bawk.

    No comments

    Post Top Ad

    Post Bottom Ad