• Breaking News

    Coachella-ah Guava Island

    Guava Island film chungchang an sawi chu i hre tawh maithei. A rukin film an siam a, an shooting pawh khawi hmunah nge tihte an sawi \ha duh lo va, mahse, tunah chuan a chiang vek tawh. Tun kar tawpa California-a Coa-chella-ah he film hi mipui hmuh theihin chhuah a ni.

    He film-ah hian Donald Glover leh Rihanna te an chan avangin film tawi te ni mah se ngaihven a hlawh hle a. Coachella-a kal lo tan pawh tunah hian Amazon Prime-ah en theihin a awm tawh.

    Glover hi he film-ah hian Deni Maroon angin a chang a, Guava mipuite tana festival nuam tak siam-sak duhtu musician a ni a. Rihanna hi hun rei tak a bialnu lo ni tawh Kofi lemah a chang thung.

    Anni pahnih bakah hian Black Panther-a Shuri lema chang Letitia Wright pawh kha a chang a. Nonso Anozie chu he film-a misual - Red Cargo lemah a chang a ni.

    A hmuna he film entute chuan he film hi sawisel bo a nih thu leh hmuhnawm an tih thu an sawi deuh vek a. An sawiselna ber chu darkar khat chauh awh a nih avang in a tawi lutuk tih chu a ni mai an ti!

    A film nena inhmeh tak tak - Childish Gambino track - This Is America leh Summertime Magic  leh hla dangte an play a, hei hian fan-te a tihlim lehzual a. Fans tam tak an lungawi lo thung a. A chhan chu - he film hi a hmuhnawm loh vang a ni lo va, ‘A tel’ ‘Tel lo’ ti-a an inhnialna - Rihanna zai chu a tel ve lo tlat a ni!

    No comments

    Post Top Ad

    Post Bottom Ad