• Breaking News

    City leh United an chak; Huddersfield an relegate ta

    Inrinni zan Premier League inkhelah Manchester City chuan away-ah Fulham 2-0 a hnehin hma an hruai leh ta a. Southamp -ton pawh away-ah an chak a, Wolves erawh Burnley-in an hneh a. Huddersfield chu Crystal Palace lakah si hnih faia an chak loh avangin season tharah Championship lam-ah an tla thla dawn a. Leicester, Man United leh Everton-te an chak bawk.

    London-a inkhelah Manchester City tan Portugal star Bernardo Silva chuan goal khat khungin, Sergio Aguero khung tur a siamsak bawk a. City an chak a, Premier League hmahruaitu an ni leh ta a. Silva hian tun season-ah City tan goal 11 a khung tling ta a, Aguero pawhin Premier League-ah goal 19 khung tlingin, top scorer a ni zel.

    City hian away game an khelh hnuhnung vawi 12-ah vawi 11 an chakna a ni a. Hetih lai hian Fulham erawh Thawhlehni zan hian Watford an khel dawn a, an chak loh leh chuan an relegate ang.

    Inkhel dangah Crystal Palace chuan 2-0 in Huddersfield an hneh a, Huddersfield hi Premier League a\angin an relegate ta a ni.

    Burnley-in Wolves an hneh a, Southampton-in Brighton an hneh bawk si avangin Huddersfield hian point khat tal hmuh an mamawh a, mahse, Luka Milivojevic leh Patrick van Aanholt-te goal hmangin Palace hi an chak ta si a. Derby County-in March thla ral hmaa relegate a, Premier League a\anga relegate hma ber record an siam chu Huddersfield hian an nihrual ta a ni.

    League match vawi 32 khelhah point 15 chiah hmuin, Premier League-a awm zel tlak an ni lo a ni.

    Southampton chuan si khat faiin Brighton an hneh a, Pierre-Emile Hojbjerg  chuan goal awmchhun a khung a, Southampton hian season tharah Premier League club nih zel an tum a ni.

    Burnley chuan an pu Sean Dyche-a hnuaia vawi 300 an khelhnaah 2-0 in Wolves an hneh a, Conor Coady own goal hmangin hma an hruai a, rawlthar Dwight McNeil chuan goal khat a rawn khung belh a. 1963 hnua division sang bera Wolves an hneh lehna hmasa ber niin, relegate loh an tumna kawnga hnehna pawimawh tak a ni.

    Brendan Rodgers-a hnuaiah Leicester an che \ha zel a, 2-0 in Bourne-mouth an hneh a. Wes Morgan leh Jamie Vardy-ten goal an khung.

    Manager nghet thar Ole Gunnar Solskjaer-a hnuaiah United chuan 2-1 in Watford an hneh a. Marcus Rashford leh Anthony Martial-ten goal an khung a. Watford tan Abdoulaye Doucoure chuan goal khat a khung.

    Inkhel dangah Everton chuan West Ham an luh chilh a, 2-0 in an hneh a, 7-na niin, Kurt Zouma leh Bernard-ten goal an khung a ni.

    No comments

    Post Top Ad

    Post Bottom Ad