• Breaking News

    City-in Spurs hnehin Premier League hma an hruai leh ta

    Phil Foden chuan Premier League-a a goal khung hmasak ber khungin Inrinni zan khan Manches-ter City chuan Champions League-a pet thlatu Tottenham chu 1-0 in an hneh a, Premier League-ah Liverpool aia point khata sangin hma an hruai leh ta.

    Kum 18-a upa Foden hi City player zingah Pre-mier League goal khung thei naupang ber pathumna a ni a. Inkhelh \an a\anga minute 5-na lekah goal a khung a ni.

    City hian Liverpool lehpelin hma hruai mah se, half-time hmain an playma-ker Kevin De Bruyne chu  a khup na vangin lak chhuah a ngai a, tun season a inkhel tawh lo maithei.

    He inkhelah hian goal khat chiah lut mah se inkhel hmuhnawm tak a ni a. Penalty hmuin an inhre ve ve a, pek an ni lo ve ve a. City goalkeeper Ederson a che \ha a, Song Heung-min goal khung tur vawi hnih a dang a, City a chhanhim.

    Man City hi tun season-ah an home-ah an che \ha hle a, Inrinni zan hi an home-a vawi 5 an chakna a ni a. Season khat chhunga an home-a an chak hnem ber \um a ni.

    City hi Premier League-ah a zawnin game 10 an chak ltuang tawh a, kum 2017 khan August thla a\anga December thla thlengin vawi 18 an chak zawn a, hei hi Premier League record a la ni reng.

    Hetih lai hian Spurs hi a zawnin Premier League away game-ah vawi 5 an chak lohna a ni tawh a. Tun season-ah Premier League -a vawi 11 an chak lohna a ni tawh bawk.

    Inrinni zan inkhel dangah Brighton chuan a zawna vawi 4 an chak lohna titawpin, Wolves chu goal awm lovin an draw a, relegation zone an hlat ve tial tial.

    Seagulls hi tunah hian 18-na Cardiff aiin point 3-in an sang tawh zawk a. Inrinni zan inkhelah hian an goalkeeper Mat Ryan chu a che \ha a, gola awm lova an in-draw avang hian Wolves hi 9-naah an tla thla thung.

    Tla thla chiang tawh Fulham chuan 1-0 in Bournemouth chu away-ah an hneh a. Aleksandar Mitrovic chuan he inkhela goal awmchhun leh an chakna hi penalty a\angin a khung a. Tla thla chiang tawh ve tho Huddersfield chu Watford chuan 2-1 in an hneh a, Watford tan hian Gerard Feulofeu chuan goal hnih a khung.

    Leicester leh West Ham chu London-ah 2-2 in an inhnehtawk.

    Newcastle chuan 3-1 in Southampton an hneh a. Newcastle striker Ayoze Perez chuan hat-trick a siam a. Second half-ah Southampton an \ang nasa a, substitute Mario Lemina chuan goal khat a rawn khung belh a. Hetih lai hian 2-1 in Newcastle an chak a. Hun tawp hmain Perez chuan goal a rawn khung belh leh a ni.

    Inkhelh banah Rafa Benitez chuan season tharah top 10 kai ngei a duh thu a sawi.

    No comments

    Post Top Ad

    Post Bottom Ad