• Breaking News

    China-ah Hamilton a chak ber

    Lewis Hamilton chuan nimin khan Chinese Grand Prix-ah awlsam angreng takin hnehna a chang a. Kumina a vawi khat nan Championship-ah hma a hruai ve ta.

    Mercedes driver Hamilton hian pole position changtu, a team-mate Valtteri Bottas chu lehpelin, pakhatna a ni a. Formula One intlansiak vawi 1000-na niin, Hamilton a lawm hle.

    Bottas chu pahnihna a ni a, Ferrari driver Sebas-tian Vettel chu pathumna a ni a. Red Bull driver Mac Verstappen chu 4-na a ni.

    Tun \um hi Hamilton-an Formula One intlansiak a hnehna a chan vawi 75-na a ni tawh a. Tunkar China intlansiak turah hian practice lai a\angin a che \ha lo va. Mahse, intlansiak tir lam a\angin a rawn vung nghal a, a tawp thlengin hma a hruai ta a ni.

    Hamilton hi F1 driver piang tawh zinga hlawhtling ber dawttu a ni a, mahse, hlawhtling ber Michael Schumacher tluk turin intlansiak vawi 16-a a chak a la ngai

    Ferrari chuan an driver naupang Charles Leclerc chu Sebastian Vettel kawng kian turin an ti a, 5-na a nih phah a ni.

    No comments

    Post Top Ad

    Post Bottom Ad