• Breaking News

    Centre leh Naga inkahhai pawt sei

    Sorkar laipui chuan Nagaland state-a hel pawl - GPRN/NSCN leh the NSCN (Reformation)-te nena inkahhai an neih mek chu kum khat dang atan a pawt sei leh ta.

    Home Ministry chuan thuchhuah siamin,  inkahhai nei tura inremna thar hi NSCN/GPRN (K) te nen ziah a ni leh ta a. Naga lam hi Khango Konyak chuan a ho a, MGA lamah hian MHA joint secretary Satyendra Garg chuan sorkar laipui ai a awh thung a ni.

    GPRN/NSCN supervisor Jack Jimomi chuan GPRN/NSCN aiawhin hming a ziak a, NSCN (R) aiawh hian supervisor Dr Amento Chishi leh secre-tary Toshi Longkumer-ten hming an ziak thung.

    Inremna an ziah hnuah  GPRN/NSCN lam pawhin thuchhuah siamin, sorkar laipui leh Naga hel pawlte chuan inkahhai pawh sei leh chu an duh a, a takin an chantir ta a ni an ti a. NSCN/GPRN (K) leh sorkar laipui inkahhai inremna hi April ni 15, 2019 a\anga chhiar a kum khat chhung daih tur a ni tiih Ministry of Home Affairs pawhin an sawi.

    Heng hel pawlte hian nikum December ni 17 khan sorkar laipuia hotute nen New Delhi-ah inkawm -hona an nei tawh a. Kum 2015 March thlaa inremna an lo neih tawh siam rem ngai awmte siam rem hna an lo thawk tawh a ni, tunah a tak a chang ta ni.

    No comments

    Post Top Ad

    Post Bottom Ad