• Breaking News

    Bru hovin sorkar Kudam beih tum

    Tripura-a Tuikuk ral tlante chuan ni 20 chhung zet an ration dawn tur an dawn tawh loh avangin an mangan thu an sawi a. Gachiramparan-a sorkar kudam chu beih an tum thu an sawi!

    Mizoram Bru Displaced People’s Forum (MBDPF) te chuan an ration tur hren khawtlai a ni chu an hriat thiam loh thu an sawi a ni.

    Bru raltlante hi sorkar laipui chuan an ni tin ei turin puitling pakhat tan cheng 5, naupang pakhat tan cheng 2 leh buhfai ni tin gram 600, kum khatah sahbawn 3, slipper pakhat leh kum thum danah thosilen 1 zel an pe mek niin sawi a ni a. Heng an ration-te hi hrensak an nih avangin MBDPF President A. Sawibunga leh General Secretary Bruno Msha-te chuan North Tripura District Magistrate CK Jamiyat hnenah lehkha an thawn a. An ration hi thla tin ni 5 ral hmaa pek tur an nih thu an sawi a. April ration chu tun thlengin an la dawng lo va, chuvangin raltlante hi ril\amin an awm \an mek niin an sawi a. Kum 4 liamta a\ang khan an ration dawn tur hi thla tin ni 10 a\anga ni 20 vel chhung tihkhawtlai sak an ni ziah tih an sawi bawk a. Sorkarin hma a la thuai a nih loh chuan kawngpui dan an tum thu leh sorkar kudam beih mai an duh tih an sawi tel bawk.

    No comments

    Post Top Ad

    Post Bottom Ad