• Breaking News

    Barcelona-in Man United an hneh

    Manchester United-in Champions League beiseina an la neih ve chhung tlem te chu tihtawpin a awm ta a. Thawhlehni zan khan Quarter-final second leg-ah Lionel Messi goal hnih leh Philippe Coutinho goal khat hmangin Barca hian United hi 3-0 in an lo hneh tawh a. First leg, Old Trafford-a khelhah khan United hian si khat chauh an phurh avang leh last 16 inkhelah si hnih an phurh hnuah Paris St-Germain an lehthal avang khan beiseina lian tak neiin Nou Camp an pan a. Mahse, an beisei ang result an nei lo. Barca hian an lo sawp a ni ber.

    Messi chuan goal hnih a khung a. A goal hnihna phei hi chu United goalkeeper David de Gea chuan ho takin a man \helh a ni.

    A goal khatna hi yard 20 vela hla a\angin, mawi takin a khung a, hei hi chu man hman ngaihna a awm lo va. A goal hnihna hi chu a lirin a pet a, De Gea hian a lo delh \helh a ni ber mai.

    Minute 61-naah Cou-tinho chuan hla de daw a\angin, Liverpool-a a awm laia a goal khung dan ang deuhin a khung leh a, Barca hian ball chang deuh reng mah se hei bak hi chu goal an khung thei tawh bik lo a ni.

    United hian khelh \an tirhah na takin Barca an nawr a, second 40-naah Marcus Rashford chuan bar a pet per dawn a, mahse, a bak chu hlauh-awm takin an che chhun-zawm lem lo va. Alexis Sanchez chuan tlu chungin a tauh a, Barca goalkeeper Marc Andre ter Stegen chuan a lo dansak a. Hetih lai hian minute 90-na a ni tawh a; United an chak lo chiang hle.

    1990 kuma Champions League final-a chak-na goal a khungna mualah United manager Ole Gunnar Solskjaer chu a tlawm ta a. Barcelona hian semi-final-ah Liverpool leh Porto chak zawk zawk an tum dawn ta a ni.

    United hi kum 2014 hnua Champions League-a an thlen san ber \um thlengin, Barca class chu an la pha lo deuh tih a lang chiang hle. First half-a Ivan Rakitic-a penalty hlawh kha VAR hmanga pek loh ni leh lo phei se chuan an tlawm dan a zahthlak lehzual maithei.

    Tun hnai, United chet chhiat laia an player \ha ber ni chho ngar ngar De Gea ber mai chu Thawhlehni zan inkhelah a tisualtu a ni a, mawi tak taka save \hin khan mawi lo takin goal a chhuah a ni.

    Lionel Messi chuan Champions League-ah  goal hnih a khung belh leh  ta a, English club lakah Champions League goal vawi 24 a khungna a ni tawh a. Kum 31 mi Messi hian tun season-ah Barcelona tan match 42 khelin, goal 45 a khungna a ni tawh a. Champions League-ah goal 10 khung-in, top scorer a ni mek.

    Messi hian United hi a ngam ve deuh hrim hrim a. Kum 2009 leh 2011 final-ah pawh khan United lamah hian goal a lo khung tawh a. Kuminah hian kum 2015 hnua Barca-in Cham -pions League title an lak lehna hmasa ber lakpui thei tak maw?


    Ronaldo goal khung zanah Juventus-in Ajax an ngam lo

    Champions League quarter final-ah Ajax chuan Juventus chu an hneh a, an hnawt chhuak.

    First leg-ah khan Ajax hian Amsterdam-ah Juve hi lo mikhualin, 1-1 in an draw a. An home-a khel tur an nih avangin Juve hi tlang zawk tura rinkai zawk an ni a. Mahse, Turin khaw -puia inkhelah Ajax hian rin loh takin 2-1 in hnehna an chang ta a ni.

    Inkhelh \an a\anga minute 28-naah Cham-pions League-a champion team zinga vawi nga lo tel tawh, Champions League-a goal khung hnem ber Cristiano Ronaldo chuan Juve tan goal khungin, Champions League-ah goal 126 a khung tling ta a. Mahse, Ajax tan hian Donny van de Beek chuan an si phurh a sut a. Hemi hnu hian mikhual Ajax chu team hlauhawm zawk an ni deuh reng a. Hun tawp hmain Ajax captain, rawl-thar Matthijs de Ligt chuan chakna goal a rawn tauh lut a, Juventus chu an hnawt chhuak ta a ni.

    He goal luh hian minute 23 a la awm a, Juve hian semi-final lut turin goal hnih an khung a ngai a, mahse, Ronaldo chuan yellow card a hmu tih loh chu thil langsar a awm tawh lo.

    Ajax hian semi-final-ah Manchester City leh Tottenham inkhela chak zawk zawk an tum dawn a. Tunah hian final-ah English club ve ve intum theihna chance a la awm a nih chu. Beiseiawm a ni em?

    No comments

    Post Top Ad

    Post Bottom Ad