• Breaking News

    Assam-ah pawisa man

    Assam state-a Orang, Udalguri district-ah Inrinni khan pawisa man a ni a, cheng nuai 9 vel a ni an ti.

    He pawisa hi lirthei - AS-06-U-3455 a\anga man a ni a. Orang police-ten helai biala lirthei an en fiahnaah an man a ni.

    He lirthei khalhtu hi Rabi Bhatti niin, bank pawisa a nih thu a sawi a. Mahse, bak ta a nih chuan document felfai tak a nei tur a nih laiin police-ten an dil chuan hetiang lehkha hi engmah a nei lo a ni.

    Bhatti-a’n lehkha pawimawh a neih loh avang hian police-te chuan pawisa leh lirthei hi an man a, Orang police station-ah an la nghal a. Election department leh Income Tax department lam an hriattir nghal a ni.

    Lok Sabha inthlan a hani tawh a, hemi avang hian thuneitute chuan lirthei a pawisa tam tham ken kual chu khauh takin an en fiah mek zel a ni.

    March thla chhung khan Meghalaya-a South West Garo Hills district-a Ampati-ah pawh cheng nuai thum chu Static Surveillance Team (SST) te chuan Assam registra-tion lirthei a\angin an lo man tawh a. Lirthei neitu hian lung laknaa hnathawkte hlawh tur a ni tih a sawi a, mahse, document a nei lo.

    No comments

    Post Top Ad

    Post Bottom Ad