• Breaking News

    Amethi bakah Wayanad-ah Rahul Gandhi a ding dawn

    Nimin khan Congress party chuan Uttar Pradesh -a Amethi bial bakah Congress President Rahul Gandhi chuan Kerala-a Wayanad-ah tun \um Lok Sabha inthlan chu a chuh tel dawn tih an puang.

    Congress hruaitu AK Anthony chuan New Delhi -ah he thu hi sawiin, “Chhim lam state zawng zawngin Congress President hi an biala ding turin an ngen a. Ngun taka ngaihtuah a nih hnuah Karnataka leh Tamil Nadu-te nena inrina lai Wayanad-ah ding tel turin tih a ni ta a ni,” a ti.

    Rahul hi Amethi bial a\anga MP ni lai niin, politics a khelh hnuah MP hi bial hnih a la chuh ngai lo va, tun \um inthlan hi a chuh vawi khatna tur a ni dawn a ni.

    Hetianga bial hnih a chuh dawn tih a chian hnu hian BJP chuan an bei nghal chat a. Amethi biala hneh lotu Smriti Irani chuan Rahul chuan Amethi-ah hian hnehna chang zo dawnin a inhre lo va, seat dang a melh niin a sawi nghal a. Mahse, Congress chuan Irani hi Chandni Chowk leh Amethi-ah a chak lo va, tunah Amethi-ah chak lo turin a ding leh dawn a ni an ti ve thung.

    Narendra Modi-a’n Gujarat chhuahsan a Varanasi-a a din avangin a bialah a inringtawk lo tihna a ni lo ang bawkin Rahul hi Amethi-ah tlin a inring lo tihna ni lo an ti.

    Wayanad hi thingtlang tak a la ni a. Rahul-a dintir a ni hian chhim lama Congress party tha a tichak chho viau tura ngaih a ni a. Hetih lai hian Left party-te chuan India ram chhim lama Congress an inzar pharh chu BJP an hlauh vang niin an lo sawi thung.

    No comments

    Post Top Ad

    Post Bottom Ad