• Breaking News

    Adele leh a pasal Simon Konecki an inthen

    Zai thiam Adele leh a pasal Simon Konecki-te chu an in\hen niin Adele-i thupuangtu chuan a sawi.

    Adele leh Konecki-te in\hen thu hi kar tawp khan puan a ni a. An in\hen tawh naa, an fa chu an pahniha enkawl chhunzawm an tum thu an sawi a ni.

    Adele hian kum 2012 khan Konecki fa hi paiin a hring a, a hmingah Angelo an sa a. Konecki hi investment banker niin, a hnua charity pawl a din a, a hotu ber a ni a. Kum nga zet an inngaihzawn hnuah kum 2016 khan an innei ta a ni.

    London khawpuia cheng, khawvel huapa zai thiam lar Adele hian album panga - 19, 21 leh 25 te a tichhuak tawh a. A hlate hi khawvel puma hriat hlawh a sak lar leh te an nih bakah a aw \hat em avanga mipuiin an duh rawnte a ni hlawm a. An thupuangtu chuan an in\hen thu a puan bak chu mipuite chuan zawhna zawh belh lo tur leh heng mi larte pahnih hi an mimal nun zahsak turin a duh thu a sawi bawk.

    Adele leh Konecki te hi 2016 khan an innei naa, mipui hriat lohvin, a ruk thei ang berin an innei a. Kum 2017 Grammys-ah khan Adele hian a chawimawina dawn a laka thu a sawi \umin Konecki chu ‘ka pasal’ ti-a a sawi avangin an ineni tih hi khawvel hriatah puan chhuah a ni ta chauh a ni.

    Adel hi UK celebrity kum 30 leh a hnuailam zinga hausa ber a ni a. Kum 2008 khan a album hmasa ber chu tichhuakin, hetah hian a hla pahnih - Chasing Pavements leh Hometown Glory-te chu UK Chart-ah number one an ni ve ve a. Hemi hnu hian hmun hrang hrangah award a dawng chho mawlh mawlh a. A album pahnih -na ‘21’ phei chu khawvel  ram 30 zet chart-ah number one a ni a, US leh UK-ah a number one kawp hial bawk a. A album pathumna, ‘25’ chu an tihchhuah kar khatna chhungin copy nuai 8 an hralh a, kum 2015 kuma album hralh tla ber a ni nghe nghe.

    Kumin March thla (thla hmasa) khan kum 30-a upa Adele hi New York City-a studio pakhatah a lutin a chhuak fo tih hriat a ni a, a thlalak pawh internet-ah a darh chuai chuai a. Mi tam tak chuan album thar a buaipui niin an sawi a, mahse, amah hian engmah a sawi lo.

    Kum 45-a upa Konecki hian kum 2005 khan a hna thawh mekna - Lehman Brothers chu bansanin, ethical water company - Life Water chu a din a. He company hmang hian charity pawl pakhat, ‘Drop 4 Drop’ nen thawk dunin, khawvel pum a tui in tlak, tui thianghlim sem chhuah chu an thupui a ni ta a ni.

    Kum 2012 khan, “Lehman Brothers-ah khan investment banker ka ni a, ka hlawhtling viau a, mahse, duhdamna khawvel kha ka ning a, ka bansan ta a ni,” tiin a sawi.

    No comments

    Post Top Ad

    Post Bottom Ad