• Breaking News

    AAP leh Congress thawkdun dawn?

    Delhi-ah Narendra Modi kaihhruai BJP hneh tura Congress leh AAP-te thawh dun tumna chu a la kal zel a. AAP hotupa Arvind Kejriwal chuan harsatna awm neuh neuh rih mah se Congress nena thawhho beiseina chhe te a la neih zel thu a sawi.

    Kejriwal chuan niimin khan he thu hi sawiin, tun hnai kar hnih thum liamta ah harsatna awmin, Congress-in AAP thawh-pui an duh loh thu na takin an sawi a. Mahse, Kejriwal chuan Narendra Modi hnehna tur a nih chuan thawhho theih a la inbeisei zel a ni.

    AAP hian Nilaini kalta khan seat insem dan turah an inrem thei lo tih an lo sawi tawh a. Inrinni khan Delhi Deputy CM Manish Sisodia chuan Delhi-ah chauh thawh dun an duh lo tih a sawi leh a. Hemi chungchang hi nimin khan Kejriwal hi an zawt a. “Narendra Modi leh Amit Shah-te hneh theihna a nih chuan eng pawh kan ti ang,” a ti hmiah a ni.

    Congress pawh hian Delhi-a AAP thawhpui chu an duh tih an sawi ri ve leh tawh an ti a, mahse, hmun danga thawhho chu an duh lo niin an sawi thung.

    Delhi-ah hian AAP leh Congress hi hmelma an ni a, an inkar a \ha lo va. Mahse, kumin Lok Sabha inthlanah hian BJP paih thlak duh ve ve an nih avangin an thawkho lo ang tih a sawi theih leh tawh loh a ni. Delhi-ah hian MP thlangin May ni 12 hian vote an thlak dawn a ni.

    No comments

    Post Top Ad

    Post Bottom Ad