• Breaking News

    A thih hnuah - Aretha Franklin-in Pulitzer Prize a dawng ta

    Queen of Soul - Aretha Franklin chu Pulitzer Prize winner a ni ve ta.

    Aretha Franklin chu America rimawi huanga a ke hniak reh thei tawh lo, kum sawmnga chhung zet a lo thawh tawh avangin special citation hlan a ni a.  Musician zingah hetianga special citation dawng 12-na a ni a, hmeichhe musi-cian zingah a dawng hmasa ber a ni thung a. He chawi-mawina lo dawng tawh zingah hian Bob Dylan, Scott Joplin leh John Coltrane-te an tel.

    Franklin hi nikum August thla khan kum 76 mi niin pancreatic cancer vangin a thi a ni.

    Franklin hi a vanglaia Grammy 18 dawng thei a ni a, US chart hit top 10 hla pawh 17 lai nei thei niin, rock and Roll Hall of Fame-a hmeichhe lak luh hmasak ber a ni nghe nghe.

    Aretha Franklin hian aw lian tak a nei a, a tirah gospel hla a sa \hin a, a hnuah jazz, soul leh rhythm and blues-te a ti chho leh a. Rolling Stones magazine chuan ‘greatest singer of all time’ tiin an sawi hial a. A hla, Respect, Chain Of Fools leh (You Make Me Feel Like) A Natural Woman-te chu a hun laia hla hit ber ber a ni.

    Hetih lai hian kumin Pulitzer Prize for music chu Ellen Reid-i chuan a opera - prism vangin a dawng a.  A chawimawina dawn hi mi mal taka chonaa a ngaih thu sawiin, mipuite vang a nih thu a sawi bawk.

    The Pulitzers hi best in literature, best in theatre, leh best journalism-te pawh pek chhuah a ni.

    No comments

    Post Top Ad

    Post Bottom Ad