• Breaking News

    ZOOMERS' CHOICE & CHAPCHAR KUT NULA 2019 HLANNA NEI

    March ni 6, 2019 Nilaini chawhnu dar 1 khan ZOOM Kolasib (Photographic Association of Kolasib District) te chuan kumin Kolasib Tumpui Field a Chapchar Kut hmanna a ZOOMERS' CHOICE atana an thlan Nl.Lalnunpuii d/o Pu Thangdailova College Veng hnenah lawmman hlanna Cheerz Restaurant Venglai ah an nei.

    ZOOM KOLASIB te hian kum 2013 atang khan kum tin Chapchar Kut apiangin ZOOMERS CHOICE hi an lo thlan tawh thin a, nikum khan College Veng nula Lallawmzuali Varte thlangin kumin ah pawh ZOOMERS CHOICE title hi College Veng nula bawk in a dawng leh a ni. Kumin Chapchar Kut Working Committee te chuan a hranpa a KUT Nula thlang tawh lo in, ZOOM in ZMC an thlan chu rin ve nghal mai nise an ti a, chumi avang chuan Nl.Lalnunpuii ZMC hi KUT NULA atan thlan nghal a ni bawk.

    2019 ZOOMERS CHOICE hnenah hian EF&CC Dept leh Khiangte Home Appliance te sponsor in Mini Fridge tha tak pek a ni a, hei bakah hian ZOOM ten Photo frame & Citation pe in, College Veng VC te leh mimal hnen atang pawhin lawmpuina thilpek a dawng bawk.

    ZMC Hlanna programme hi ZOOM President Pu Ic Lalthanmaman kaihruaiin, Pu Malsawmthanga Colney in hunserh hmangin, Pu Johnny C Lalmuanpuia Secretary Pu Johnny C Lalmuanpuia'n ZOOMERS CHOICE thlan dan technical reports a pe a, Pu Stephen Auhmun Chapchar Kut Working Commt. Secy & ZOOM Adviser in thu tawi sawina a nei bawk.

    No comments

    Post Top Ad

    Post Bottom Ad