• Breaking News

    Zidane-a’n Real Madrid a hnar

    Real Madrid president hlui Ramon Calderon chuan Zinedine Zidane chu a duh phawt chuan Real-a kir lehna hun nei, mahse, a duh loh avanga kir leh ta lo niin a sawi.

    Kum 46-a upa Zidane hian nikum nipui lai khan Champions League-ah a zawna vawi thum a champion-pui hnu, ni 5 chiah a la liam tihin Real Madrid hi a chhuahsan a nih kha.

    Calderon chuan, “Club President Florentino Perez chuan Zidane hi kir leh turin a sawm a, mahse, tunah chuan ni lo e a ti a, June thlaah hi chuan a kir leh lo ang tih erawh a sawi theih loh,” a ti.

    Zidane hian Real chu Liverpool lakah final-a chakpuiin, Champions Leaague-a a zawna season thum champion thei manager hmasa ber a ni a. Mahse, a hnu ni nga lekah Real hi a chhuahsan leh ta mai si a, mi zawng zawng a barakhaih a nih kha. Khami hnu khan France captain hlui hian manager hna a thawk leh rih lo a. Club lian deuha manager hna nen chuan sawi zawm a ni deuh reng thung.

    Real hian Champions League last 16-ah Ajax hneh lovin an tla a. Copa del Rey-ah pawh an tla tawh a, La Liga lamah lah hma hruaitu Barcelona aiin point 12 zetin an hniam tawh zawk bawk.

    Real hian Zidane hi Spain ram coach Julen Lopetegui chuan an thlak zui a, mahse, hei hian Real a tichhe sawt a, Spain ram team-ah pawh nghawng a nei lian hle bawk a. Thla 4 chauh a awm hnuah Real hian an ban leh a, Santiago Solari hmangin an thlak a, ani pawh hi tunah hian an ban leh ngei dawn niin a lang a ni.

    Calderon chuan Real manager hlui, Manchester United leh Chelsea boss hlui ni bawk Jose Mourin-ho chu Real-ah a kir leh maithei tih a sawi bawk.

    No comments

    Post Top Ad

    Post Bottom Ad