• Breaking News

    Zawh hman loh chuan 2.84 Crore chhuhsak dawn

    Sunshine Overseas Ltd ten Contract Agreement anga an kawngpui siam an thawm that loh chuan an Security deposit 2.84 Crore chhuhsakin, Contractor dang thawhtir an ni dawn.

    Kolasib Leh Kawnpui inkar kawng NH-54 hi Sunshine Overseas Ltd contract niin, kum 2016 khan he kawngpui siam hna hi an thawk \an a, mahse he kawngpui siam hi a \hat tawk loh avangin kum khat pawh a daih lova, Mizoram ch√Ęk lakna kawngpui ber NH-54 hi tun dinhmunah chuan enkawltu awm lo ang maiin hmun hrang hrangah a chhe hle a ni.

    Hetihlai hian He kawngpui enkawltu Sunshine Overseas Ltd ten kawngpui an siam\hat theihna turin Kolasib Development Committee chuan All NGOs, PWD leh Contractor te meeting kovin, he kawngpui chhia siam dan tur chungchang pawh an lo sawipui tawh mahse, vawiin thlengin he kawngpui hian ngaihsak a hlawh lo.

    He kawngpui chhia chungchanga zawhna chhangin Er. Sanghrima EE PWD Highway Div chuan, He kawngpui hi a siamhna thawktuten kum 3 chhung enkawlzui hi an mawh a ni tiin, theihtawpa kawngpui siam\ha tura an hrilh hnuah pawh kawngpui hmasawnna hmuh tur a awm lo a ni. Hei vang hian Sunshine Overseas Ltd te hian kawngpui enkawl hi an tlin lo nia a hriat thu Er. Sanghrima chuan sawiin, Defect Liability Period hi thla thar April 13, 2019 a tawp tur a ni a ti a, he kawngpui chhia siam\hat hna hi an thawh loh chuan Contract Agreement angin an Security Deposit cheng 2.84 Crores chhuhsakin contractor dang thawhtir a nih tur thu a sawi a ni.

    No comments

    Post Top Ad

    Post Bottom Ad