• Breaking News

    WBC-in Breazeale bei turin Wilder an hriattir

    World heavyweight champion Deontay Wilder chu WBC chuan amah beitu tura inhnek tling chho Dominic Breazeale chu hnek ngei turin an hriattir.

    WBC hian Wilder leh Tyson Fury-te chu inhnek nawn leh turin an lo ti tawh a. Mahse, an inhnek hma hian Wilder hian mi dang pakhat a hnek leh dawn a. Hemi hma hian WBC hian Breazeale hi Wilder-a cho thei tur zawn nan Dillian Whyte hnek turin an hrilh a, mahse, hei hi an \hulh leh ta a. Wilder leh Breazeale te hi inhnek turin an ti leh ta zawk a, April ni 4 thleng an thutlukna an ngaichang ang tih an hirlh nghal.

    Wilder leh Breazeale te hi kum 33-a upa ve ve an ni a. Breazeale hian mi 21 a hnek tawhah mi pakhat, Anthony Joshua chiah a la hneh lo va. Joshua hian kum 2016 khan round saraihnaah a knockout a ni.

    British boxer Joshua hi kum 29-a upa niin, tunah hian ani pawh hi kumin June ni 1-a New York-a American boxer Jarrell Miller nen inhnek tura tih mek an ni a. Miller hi kum 30-a upa niin, hneh loh la nei miah lo a ni a. Anni pahnih hian IBF, WBA leh WBO title an inchuh ang.

    Hetih lai hian Tyson Fury hian ESPN nen inremna an lo ziah tawh avangin Wilder nena re-match an neih hmain mi pakhat a hnek a ngai ve tho va, ani hian tu nge a hnek dawn tih erawh a la chiang rih lo a ni.

    No comments

    Post Top Ad

    Post Bottom Ad