• Breaking News

    Vohbik-te tan ruahmanna siam

    Nimin khan Kolasib DC Conference Hall-ah Lok Sabha (MP) inthlan lo awm tur a Vohbik (Persons with Disability (PwD)) ten Vote thlak ni a awlsam zawk leh ruahmanna felfai zawk hnuaia vote an thlak theihna tur ngaituahin District Monitoring Committee on Accessible Election (DCMAE) Member te an thukhawm.

    DCMAE Chairman leh Kolasib DEO, Bawrhsap ni bawk Pu Zoengsanga kaihhruaiah hian kum hmasa lama MLA inthlan a ruahmanna kalpui report a\angin ruahmanna fel lo lai bakah ruahmanna felfai zawk a awm theih dan tur sawiho a ni a. Report a tarlan danin Kolasib District ah Vohbik 142 an awm mek a, Tuirial A/C ah 71 awm in, Kolasib A/C ah 37 leh Serlui A/C ah 34 an awm a ni.

    Meeting chuan Vohbik / Persons with Disability (PwD) vote nei thei rual ni tawh Vote la nei silo te zawnchhuah a March ni 28, 2019  hma ngeia electoral roll a thun turin Member ten mahni hma zawn theuhah hmalak nise tiin a rel a, Wheelchair mamawh la nei loten in report in Wheelchair ngaihtuah sak an ni anga, Vote thlak ni ah Vohbik te tan vote thlak a awlsam zawk nan a remchan na apiangah Election Duty motor chu hman ni se, a remchan loh na ah Auto-Rickshaw emaw Taxi emaw hman ni se, hemi buaipui tur hian MPF Kolasib District Forum chuan District election Branch chu thawhhopui rem an tih thu an tarlang bawk a ni.

    Niminah hian vohbik Pu R. Chhunthanga, Salem veng Kolasib hnenah wheelchair pek bawk a ni.

    No comments

    Post Top Ad

    Post Bottom Ad