• Breaking News

    VC-III Sanitation, ASEP, Indopui II-na, etc.

    VC-III Sanitation
    VC-III  Sanitation-in  enfiah
    VC-III Sanitation Committee-te chuan nimin zing khan an Area chhunga Vantlang Kawng te, Side Drain te mimal bungrua dahna te an enfiah a, Vantlang tana bungrua dah hnawkte chu dah fel turin an ti. Saniation Committee hian Road Reserved huamchhunga mimal kutthlakte pawh a rang lama thuneitute hnenah thlen an tum thu Chhuahtlang an hrilh a ni. Tukin zingah an enfiah chhunzawm leh ang.

    ASEP-in  thudik  haichhuah phut
    Association for Environmental Preservation (ASEP), General Headquarters, Aizawl chuan nimin khan Lungzarhtum rama Sele / Ramsial thih dan chungchang ah thuchiang hriat tur la awm lo mahse thu kal vel dan enin thah / kah hlum ngei niin ASEP chuan a ngai niin an sawi a. He Sele kaptu dik tak hi chhuichhuak turin ASEP chuan thuneitute a ngen a ni an ti. An thuchhuah ah chuan Sele thih danah hian thil rinhlelhawm leh chhui chian ngai a awm a ni an ti bawk. Chhuichhuah anih hunah Dan bawhchhiatna a awm anih chuan The Wildlife (Protection) Act, 1972 hmanga hremna lek ngei turin thuneitute an ngen a; en liam mai chi lo-ah ASEP chuan a ngai a ni an ti.
        An thuchhuah ah chuan Lungzarhtum khawtlang leh YLA ten hma an lak dan chu fakawm an tih thu an sawi bawk.

    Indopui II-na thla 3 lawmman
    Vawiin atang hian Sainik Dept Office, Kolasib-ah Indopui II-na thla thum lawmman Jan, Feb, Mar 2019 sem a ni dawn a, la tur chuan office hun chhungin lak tur a ni ang.

    HSSLC Exam
    Nimina atang khan MBSE hnuaia HSSLC Exam \an a ni a, Kawnpui Centre-a Exam Kawnpui HSS atangin Zirlai 41-in exam hi an bei a ni. Kawnpui HSS a\angin hian Exam Form Fill Up - mipa 16 leh hmeichhia 26 an vaiin 42 an awm a, zirlai pakhat-in exam a pe lo a ni.

    No comments

    Post Top Ad

    Post Bottom Ad