• Breaking News

    Vawiin atangin E-Surveillance

    Indian Home Minister
    India leh Bangladesh inrina lai, Assam state-a ramri-ah chuan vawiin a\ang hian Electronic Surveillance hmanrua hman a ni tawh dawn ta a. Hei hi Bangladesh a\anga India ram rawn lut rute man chhuahna tur leh silai, silai mu leh ruihhlo tawlh ru \hinte man chhuahna tur a nih thu Union Home Ministry chuan an sawi.

    Hetianga E-Surveillance hi a hmingah ‘smart fencing’ an ti a. Assam state leh Bangaldesh inrina lai, luiin a kar danna laiah hman a ni dawn a, hmun 61-ah hman \an niin, an hmanna lai hmun tur hi Brahmaputra luipuiin Bangladesh ram a luan luhna lai vel a ni.

    Sorkar laipui chuan hetianga ramri-a venhimna hna thawh nana khawl changkang hmanna tur project hi BOLD-QIT (Border Electronically Dominated QRT Intercep -tion Technique) tiin a hming a vuah a. Compre-hensive Integrated Border Management System (CIBMS) hnuaiah Union Home Minister Rajnath Singh chuan a hawng dawn a. Ramri venhim harsa tak, a bik takin fur lai phei chuan sipaite tana venhim hautak em em lai hmuna E-Surveillance hman a ni dawn ta hian helaia duty sipaite chu nasa takin a chhawk dawn niin MHA thuchhuah chuan a tarlang.

    Hetianga rami ven hautak laia khawl chang-kang dah a nih theih nan hian kum 2017 khan Ministry of Home Affairs  chuan hma la \anin, henglai venghim tur hian Border Security Force (BSF)  te awm reng mah se, khawl changkang tel lo chuan ramri kan rute hi man an harsa hle a. Nikum January thla khan BSF chuan BOLD-QIT project hi lain, a hun tiam aia hmaah hna an zo a ni.

    BOLD-QIT project hnuaiah hian ramri hung theih loh laiah te chuan sensor chi hrang hrang dah a ni a, tunah chuan Micro-wave communica-tion, OFC Cables leh DMR Communication-te hmang-in chhun leh zanah ven theih a ni dawn ta niin MHA chuan an sawi bawk.

    No comments

    Post Top Ad

    Post Bottom Ad