• Breaking News

    US-in kum 2024-ah thlaah mihring tirh leh a tum

    US Vice President Mike Pence chuan kum nga lo awm leh tur chhung hian US sorkar chuan thlaah mihring kah kai leh a tum thu a puang a. Hei hi NASA hotute chuan chona an hmachhawn chak zawng tak a nih thu an sawi nghal.

    Pence chuan NASA Marshall Spaceflight Cen-tre, Huntsville, Alabama-a National Space Council-ah chairman niin he thu hi a sawi a. “1960 chhova space lama intlansiakna ang kha vawiinah hian kan \an leh ta a ni,” a ti.

    Hetianga project lian tham atan hian sum leh pai pawh tluklehdingawn tel takmeuh sen a ngai dawn a. Sum leh pai a ngaih hnem em avangin US sorkar pawhin amah mai chuan a ti thei bik lova, mi mal sumdawng hausa te puihna a mamawh \hin a. Hemi avang hian kum 2011 a an shuttle programme a tlawlh hnu khan NASA hian an buaipui ngam tawh rih lo a ni.

    Hetianga Donald Trump-a sorkarin thlaa mihring tirh  a tum leh ta hi mi tam tak chuan US President inthlan lo awm leh tura tlin leh a duh vang niin an sawi a. Chutih pah chuan Russia leh China-ten vansang lama hmasawnna nasa tak an neih chhoh mek chhan letna \ha tak a ni dawn a ni.

    NASA chuan hemi hma hian kum 2024-ah thla bul velah gateway station siamin, kum 2028-ah chuan thlaah astronaut-te chu tirh luh leh a tum thu a lo puang a. Chumi hma chuan hma an lak a ngai dawn ta niin a lang.

    No comments

    Post Top Ad

    Post Bottom Ad